“Yaşıl düşüncə kuboku-2012” layihəsinə başlanılmışdır
Bakı, 13 mart (AZƏRTAC). “Təmiz Şəhər” Açıq Səhmdar Cəmiyyəti “Yaşıl düşüncə kuboku-2012” layihəsinə başlamışdır.
ASC-nin mətbuat xidmətindən AZƏRTAC-a bildirmişlər ki, layihə Heydər Əliyev Fondunun vitse-prezidenti Leyla Əliyevanın təşəbbüsü ilə reallaşan IDEA Ətraf Mühit Kampaniyası çərçivəsində keçirilir.
Layihənin əsas məqsədi gənclərdə məişət tullantılarının idarə olunmasına və ətraf mühitin mühafizəsinə yanaşmada sağlam düşüncə formalaşdırmaqdır. Layihə çərçivəsində keçirilən tədbirlərdə Bakı şəhərinin ali təhsil müəssisələrindən 2 mindən artıq gənc iştirak edəcəkdir.
Layihənin təşkilati işlərinə “Vətəndaş Cəmiyyətində Debat” İctimai Birliyi dəstək olacaqdır.
Bölmənin digər xəbərləri
