YENİ QANUN LAYİHƏSİ HAZIRLANMIŞDIR

29.09.2004 [20:40]
Çap et
A⁺ A^-

AZƏRTAC xəbər verir ki, Milli Məclisin müvafiq komissiyaları və ekspertlər tərəfindən Azərbaycan sahibkarlarının xarici dövlətlərlə ticarət əlaqələri, xüsusən də elektron ticarət qurmasına imkan verən “Elektron ticarət haqqında” qanun layihəsi parlamentin elm və təhsil məsələləri, hüquq siyasəti və dövlət quruculuğu məsələləri, insan hüquqları və iqtisadi siyasət daimi komissiyalarının birgə iclasında geniş müzakirə olunmuşdur.

Prezidentin İcra Aparatının İnformasiya resursları və texnologiyaları mərkəzinin rəhbəri Elmir Vəlizadə layihə ilə bağlı məlumat verərək demişdir ki, məqsəd Azərbaycan Respublikasında müasir informasiya texnologiyaları vasitəsilə ticarətin (elektron ticarət) həyata keçirilməsinin hüquqi əsaslarını, onun aparılma qaydalarını və prosesdəki iştirakçıların hüquq və vəzifələrini müəyyən etməkdən ibarətdir. Qanun elektron ticarət zamanı şəxslər arasında bağlanan və onların iştirakı ilə həyata keçirilən müqavilələr və digər hüquqi fəaliyyətlər zamanı yaranan münasibətləri tənzimləyir.

Qanun layihəsini parlamentin müzakirəsinə çıxarılması qərara alınmışdır.

YENİ QANUN LAYİHƏSİ HAZIRLANMIŞDIR

MÜƏLLİFLƏ ƏLAQƏ

Bölmənin digər xəbərləri