YENİ TEXNOLOGİYANIN TƏTBİQİ BAKIDA İNTERNET ŞƏBƏKƏSİNİN DAHA DA İNKİŞAFINA SƏBƏB OLACAQDIR
Müəssisədən AZƏRTAC-ın müxbirinə bildirmişlər ki, “Bakinternet” şəbəkəsinin köməyi ilə respublikada ilk dəfə olaraq həyata keçirilən bu texnologiya telefon xəttinə qoşulan abunəçilərə ADSL modemi vasitəsilə İnternetdən sürətlə istifadə, eyni zamanda, telefonla maneəsiz danışmaq imkanı qazandırır. Son vaxtlar yeni texnologiyaya tələbatın artması ilə əlaqədar BTRİB artıq ADSL şəbəkəsindən istifadənin ikinci mərhələsini həyata keçirməyə başlamışdır. 2003-cü ilin sonlarından tətbiqinə başlanan bu texnologiya indiyədək ATS-493/498, ATS 440/441, ATS 461/462, ATS 468-469 və ATS 466/467-də istifadə olunur. İkinci mərhələdə onun ATS 494/495, ATS 438/439, ATS 464, ATS 474/475-də quraşdırılması və tələbat artdığına görə ATS 493/498-də genişləndirilməsi nəzərdə tutulmuşdur.
Bundan başqa, yaxın vaxtlarda ADSL şəbəkəsinin daha da genişləndirilməsi, onun bazasında kabel televiziyasının yaradılması, telefon danışıqlarının İnternet şəbəkəsi vasitəsi ilə ötürülməsi xidmətinin göstərilməsi, tariflərin İnternet bazarına uyğun tənzimlənməsi, beynəlxalq kanalların optimallaşdırılması və s. işlərin həyata keçirilməsi də nəzərdə tutulmuşdur.
Bölmənin digər xəbərləri
