YEVLAXDA KƏND TƏSƏRRÜFATI MƏHSULLARI İSTEHSALI 2,2 FAİZ ARTMIŞDIR
Yevlax, 25 yanvar (AZƏRTAC). Ötən il Yevlax rayonunda 78 milyon 563,2 min manatlıq kənd təsərrüfatı məhsulları istehsal olunmuşdur.
Bu, 2008-ci ilin müvafiq göstəricisi ilə müqayisədə 1724,2 min manatlıq və ya 2,2 faiz çoxdur. Bitkiçilikdə bu artım 3,6 faiz, heyvandarlıq sahəsində isə 0,6 faiz təşkil etmişdir.
2009-cu ildə rayonda 35 min 864 ton buğda, 8006 ton arpa, 3 min 952,5 ton qarğıdalı, 2160 ton günəbaxan, 63,6 ton çəltik, 5 min 483,4 ton kartof, 13 min 152,7 ton tərəvəz, 3 min 138,3 ton üzüm istehsal olunmuşdur. 2008-ci illə müqaisədə buğda istensalı 16 min 362,9 ton, arpa 450,7 ton, qarğıdalı 3627 ton, günəbaxan 106,5 ton, çəltik 9,6 ton, kartof 107,4 ton, tərəvəz 6 min 414,4 ton, üzüm istehsalı isə 951 ton çox olmuşdur.
Keçən il rayonda mal-qaranın sayı 72 min 763 başa, qoyun və keçilərin sayı 192 min 246 başa, quşların sayı 392 min 481 başa çatmış, ət istehsalı 106,1 ton, süd istehsalı 89,2 ton, yun istehsalı 4 ton, yumurta istehsalı 157,2 min ədəd artmışdır.
Bölmənin digər xəbərləri
