YULİYA TİMOŞENKO UKRAYNANIN BAŞ NAZİRİ TƏSDİQ EDİLMİŞDİR
AZƏRTAC-ın Kiyevdən aldığı xəbərə görə, Ukrayna tarixində ilk dəfə olaraq hökumətin başçısı vəzifəsini qadın - 44 yaşlı Yuliya Timoşenko tutmuşdur. Ali Rada (parlament) onun ölkə Prezidenti Viktor Yuşşenko tərəfindən təklif olunan namizədliyini dəstəkləmişdir. Timoşenkonun hətta siyasi rəqibləri də ona səs vermişlər. Onun namizədliyini yalnız kommunistlər dəstəkləməmişlər.
1960-cı il noyabrın 27-də Dnepropetrovskda anadan olan Y.Timoşenko 1984-cü ildə Dövlət Universitetini bitirərək, iqtisadçı ixtisası almışdır. İqtisad elmləri namizədidir. 1995-1997-ci illərdə “Ukraynanın vahid energetika sistemləri” korporasiyasına başçılıq etmişdir. 1999-2001-ci illərdə Baş nazirin yanacaq-energetika kompleksi məsələləri üzrə müavini işləmişdir. O, həmin sahədə bir sıra islahatlar aparmış, barteri ləğv etmişdir. 2002-ci ilin mayında Ali Radaya deputat seçilmişdir. 2004-cü ilin prezident kampaniyasında Viktor Yuşşenkonu fəal dəstəkləmişdir.
Bölmənin digər xəbərləri
