YUNESKO-NUN SƏRGİSİNDƏ YÜKSƏK QİYMƏTLƏNDİRİLMİŞDİR
Martın 6-24-də YUNESKO-nun iqamətgahında “YUNESKO incəsənətdə qadınları salamlayır” devizi altında sərgi keçirilmişdir. AZƏRTAC-ın xüsusi müxbiri xəbər verir ki, sərgidə bu beynəlxalq təşkilatın üzvü olan ölkələrin qadınlarının əl işləri, sənəd əsərləri nümayiş etdirilmşdir. Azərbaycanı bu sərgidə rəssam Solmaz Musayeva “Qarabağlı qız” və “Şirvan gəlini” əsərləri ilə təmsil etmişdir. Ölkəmizin ötən əsrlərdəki milli adət-ənənələrindən biri kimi, qadın geyimlərindən nümunələri özündə əks etdirmiş bu əsərlər sərgi iştirakçılarının marağına səbəb olmuş və yüksək qiymətləndirilmişdir.
A.Şaiq adına Azərbaycan Dövlət Kukla Teatrında quruluşçu baş rəssam işləyən Solmaz Musayeva 1991-ci ildən etnoqrafiya ilə məşğul olmuş və müxtəlif beynəlxalq sərgilərdə öz əsərlərini nümayiş etdirmişdir. Onun hazırladığı etnoqrafik fiqurlar 1994-cü ildə Pakistanda keçirilmiş İslam Ölkələrinin festivalında ikinci yeri tutmuş və xüsusi diploma layiq görülmüşdür.
Əsgər Əliyev
AZƏRTAC-ın xüsusi müxbiri
Paris
Bölmənin digər xəbərləri
