Cüdoçumuz beynəlxalq turnirdə gümüş medal qazanıb VİDEO
Bakı, 12 mart, AZƏRTAC
Azərbaycan cüdoçusu Məhəmmədəli Mehdiyev Bakıda keçirilən “Böyük dəbilqə” beynəlxalq turnirində komandamızın aktivinə gümüş medal yazdırıb.
AZƏRTAC xəbər verir ki, turnirdə 90 kiloqram çəki dərəcəsində mübarizə aparan cüdoçumuz M.Mehdiyev ilk qarşılaşmasına səkkizdəbir final mərhələsində başlayıb. Cüdoçumuz rəqibləri iranlı Vahid Nuriyə, Gürcüstan təmsilçisi Uşanqi Marcianiyə, komanda yoldaşı Əbdülhəqq Rəsulluya qalib gələrək finala yüksəlib. Finalda qazaxıstanlı rəqibi İslam Bozbayeva məğlub olan idmançımız turnirdə gümüş medalla kifayətlənib.
Bölmənin digər xəbərləri
