10 YAŞLI QAZAXISTANLI QIZ MİLAN ALİ MUSİQİ AKADEMİYASININ TƏLƏBƏSİDİR
Maşa dünya opera sənəti ustadlarından dərs almaq hüququnu Milan məktəbinin nümayəndələri onun “Avropanın ümidləri” beynəlxalq müsabiqəsində uğurlu çıxışını gördükdən sonra qazanmışdır. İtalyanlar onu yay tətilini dünya şöhrətli La-Skala teatrında keçirməyə və eyni zamanda, vokal kurslarına getməyə dəvət etmişlər. İtalyan müəllimlər Maşanın istedadına o dərəcədə heyran qalmışlar ki, ona Milan Ali Musiqi Akademiyasının tələbəsi olmağı məsləhət görmüşlər. Burada ancaq yaşlı artistlərin oxumasına baxmayaraq, Maşaya istisna edilmişdir. O, imtahanları uğurla vermiş və akademiyanın tələbəsi olmuşdur.
Qazaxıstanda Maşa artıq bir neçə ildir ki, məşhurdur. 2001-ci ildə o, dünyanın ən gənc müğənnisi kimi Ginnesin rekordlar kitabına düşmüşdür. 6 yaşında onun ilk solo albomu buraxılmışdır. 25 min nüsxə tirajla buraxılan bu albom bütün dünyada yayılmışdır.
Bölmənin digər xəbərləri
