113 YAŞLI İSLAM KİŞİ: XALQIMIZIN XOŞBƏXT GƏLƏCƏYİNƏ SƏS VERƏCƏYƏM
Ağcabədi rayonunun seçki məntəqələrində qızğın hazırlıq işləri görülür. AZƏRTAC xəbər verir ki, burada yaradılmış iki seçki dairəsində siyahılar üzrə təxminən 78 min yerli seçici səs verəcəkdir. Seçici siyahıları tərtib edilmiş, yoxlanılmış və hazırda bəzi dəqiqləşdirmələr aparılır.
82 nömrəli dairə komissiyasının üzvləri seçicilərin tərkibini təhlil edərkən maraqlı faktla rastlaşmışlar: rayonun ən yaşlı seçicisi 113 yaşlı İslam Qasımovdur. O, 1895-ci ildə doğulmuşdur. İki dəfə əsrlərin qovuşuğunun şahidi olmuş, həmyerlisi saydığı dahi Üzeyir Hacıbəyovu görmüşdür. Gənclər dünya görmüş ağsaqqalın söhbətlərini maraqla dinləyirlər.
İslam kişi deyir:
-Vətəndaşlıq borcumu yerinə yetirəcək, xalqımızın, gündən-günə gözəlləşən Azərbaycanın xoşbəxt gələcəyinə səs verəcəyəm.
İslam kişinin böyük ailəsi - övladları, nəvələri, nəticələri və kötücələri də onunla razıdırlar.
Bölmənin digər xəbərləri
