12 MİLYON KVADRATMETRƏ YAXIN ƏRAZİ MİNALARDAN TƏMİZLƏNMİŞDİR
AZƏRTAC-ın müxbiri xəbər verir ki, Azərbaycan Respublikası Ərazilərinin Minalardan Təmizlənməsi üzrə Milli Agentliyin işçi qrupu “Azərbaycanda mina təhlükəsi ilə mübarizə proqramı” çərçivəsində ötən ay 1 milyon 289 min kvadratmetrdən çox ərazini minadan təmizləmişdir. Həmin ərazidə 47 mina və partlamamış hərbi sursat aşkar edilərək zərərsizləşdirilmişdir. Bakı-Tbilisi-Ceyhan neft boru kəmərinin Ağstafa rayonundan keçən hissəsinin partlamamış hərbi sursatlardan təhlükəsizliyinin təmin edilməsi əməliyyatları da başa çatdırılmışdır. Hazırda ümumi sahəsi 610 min kvadratmetrdən çox olan 6 sahədə əməliyyatlar aparılır.
Ümumiyyətlə, indiyədək təxminən 12 milyon kvadratmetr ərazi təmizlənmiş, 6 min 178 mina zərərsizləşdirilmişdir.
