REGİONLAR
Sahibkara məxsus fermanın anbarında yanğın olub VİDEO
İsmayıllı, 11 fevral, AZƏRTAC
İsmayıllı rayonunda sahibkar Vahid İsayevə məxsus fermanın anbarında yanğın olub.
AZƏRTAC-ın bölgə müxbiri xəbər verir ki, yanğın bu gün saat 15 radələrində baş verib. Hadisə yerinə Fövqəladə Hallar Nazirliyi İsmayıllı rayon yanğından mühafizə hissəsinin 17 nəfər canlı qüvvəsi və 2 yanğınsöndürən maşını gəlib. Yanğınsöndürənlərin səyi nəticəsində anbarda olan ot bağlamalarının xeyli hissəsi və yaxınlıqdakı tövlələr mühafizə olunub.
Yanğın nəticəsində ümumi sahəsi 1800 kvadratmetr olan anbarın içərisindəki 100 kvadratmetrlik sahədə yığılan 2500 ədəd bağlı ot yanıb. Yanğının baş vermə səbəbləri araşdırılır.
Bölmənin digər xəbərləri
