“2006-Cİ İLİN DÜNYA GÖZƏLİ” BEYNƏLXALQ MÜSABİQƏSİNİN FİNALI İLK DƏFƏ RUSİYADA KEÇİRİLƏCƏK
Təşkilat komitəsinin Rusiya tərəfindən sədri Vladimir Şvets mətbuat konfransda demişdir ki, bu məşhur beynəlxalq tədbirin keçirilməsindən məqsəd cəmiyyətin diqqətini ailə dəyərlərinin sosial əhəmiyyətinə cəlb etməkdir.
Bu il Rusiyaya üstünlük verilməsi təsadüfi deyildir. “Dünya gözəli” və “Amerika gözəli” müsabiqələrinin banisi Devid Marmell etiraf etmişdir ki, onun valideynləri Rusiyada doğulmuşlar və tədbirin Rusiyada keçirilməsi də məhz onun təşəbbüsüdür. O demişdir: “1990-ci ildən hər il rus xanımları bu müsabiqədə iştirak edir və onlar bütün dünyada gözəllikləri ilə məşhurdurlar”.
Xatırladaq ki, keçən il müsabiqənin qalibi rusiyalı Natalya Petrova olmuşdur. Marmellin sözlərinə görə, bu il aprelin 14-də milli müsabiqənin finalçıları Sankt-Peterburqa gələcəklər, görkəmli mədəniyyət və incəsənət xadimlərindən ibarət münsiflər heyəti də onda müəyyən ediləcəkdir.
Bölmənin digər xəbərləri
