2007-Cİ İLİN DÖVLƏT BÜDCƏSİNDƏ SOSİAL MƏSƏLƏLƏRƏ XÜSUSİ DİQQƏT YETİRİLİR

01.11.2006 [10:21]
Çap et
A⁺ A^-

Milli Məclisin sosial siyasət daimi komissiyasından AZƏRTAC-a bildirmişlər ki, 2007-ci ilin dövlət büdcəsində sosial məsələlərə xüsusi diqqət yetirilir. Belə ki, layihədə sosial sahəyə ayrılan xərclər təqribən 2,1 milyard manat təşkil edir. Bu, 2006-cı illə müqayisədə 47 faiz çoxdur. Gələn il Azərbaycanda minimum ehtiyac meyarının artırılması da planlaşdırılır. Ölkədə ünvanlı dövlət sosial yardımının tətbiqi ilə əlaqədar ehtiyac meyarının orta hesabla 42 faiz artırılacağı gözlənilir. Bu məqsədlə dövlət büdcəsində 78 milyon manat vəsait nəzərdə tutulmuşdur.

2007-ci ildə hökumət veteranlara verilən kompensasiyaların həcminin minimum əmək haqqına yaxınlaşdırılması istiqamətində də addımlar atmaq niyyətindədir. Gələn il həm də “Yaşayış minimumu haqqında” qanuna müvafiq olaraq bir neçə mərhələ ilə sosial müavinətlərin həddinin yaşayış minimumuna yaxınlaşdırılması planlaşdırılır. Bunun üçün büdcə layihəsində 120 milyon manat vəsait nəzərdə tutulmuşdur. Bu vəsait ölkəmizin ərazi bütövlüyü uğrunda döyüş əməliyyatlarında iştirak etdiyinə görə müharibə veteranı adını alanlara, başqa ölkələrin ərazisində gedən müharibələrdə və hərbi münaqişələrdə iştirak etmiş şəxslərə, 3,6 min şəhid ailəsinə, 3,9 min şəhid uşağına və digər kateqoriyadan olanlara sərf ediləcəkdir.

2007-Cİ İLİN DÖVLƏT BÜDCƏSİNDƏ SOSİAL MƏSƏLƏLƏRƏ XÜSUSİ DİQQƏT YETİRİLİR

MÜƏLLİFLƏ ƏLAQƏ