2018-ci ilin yanvar-aprel ayları üzrə sığorta bazarının göstəriciləri açıqlanıb
Bakı, 18 may, AZƏRTAC
2018-ci ilin yanvar-aprel ayları ərzində ölkədə fəaliyyət göstərən 21 sığorta şirkəti tərəfindən 301.4 milyon manat məbləğində sığorta haqları toplanıb və 78.5 milyon manat məbləğində sığorta ödənişi həyata keçirilib.
Maliyyə Bazarlarına Nəzarət Palatasından AZƏRTAC-a verilən məlumata görə, könüllü sığorta bazarı üzrə haqlar 220.9 milyon manat, ödənişlər isə 56.9 milyon manat təşkil edib. İcbari sığorta bazarı üzrə haqlar 80.5 milyon manat, ödənişlər isə 21.6 milyon manat olub.
2018-ci ilin yanvar-aprel ayları ərzində sektor üzrə məcmu sığorta haqlarının 73.3 faizi könüllü, 26.7 faizi isə icbari sığorta növlərinin payına düşüb. Sığorta ödənişlərinin 72.5 faizi könüllü, 26.5 faizi isə icbari sığorta növləri hesabına formalaşıb.
2018-ci ilin yanvar-aprel ayları ərzində sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.
Bölmənin digər xəbərləri
