2024-cü il “Buker” mükafatının qısa siyahısı açıqlanıb
Bakı, 17 sentyabr, AZƏRTAC
2024-cü il “Buker” mükafatının qısa siyahısı açıqlanıb.
AZƏRTAC xəbər verir ki, siyahıda mükafatın 55 illik tarixi boyunca ən çox qadın müəllif yer alıb. Qısa siyahıya altı yazıçı – Reyçel Kuşner (“Yaradıcılıq gölü”), Yael van der Vuden (“Qoruyucu”), Samanta Harvi (“Sakin”), Enn Maykls (“Held”), Şarlotta Vud (“Daş sarayda dua”) və Persival Everett (“Ceyms”) daxil edilib.
Qısa siyahıya daxil olan hər bir müəllif 2500 funt sterlinq (təxminən 3300 dollar), qalib isə 50 000 funt sterlinq (təxminən 66 000 dollar) qazanacaq.
Dünyanın istənilən ölkəsindən olan müəlliflər tərəfindən ingilis dilində yazılmış və Böyük Britaniyada və ya İrlandiyada nəşr olunan bədii ədəbiyyat nüfuzlu mükafatda iştirak etmək hüququna malikdir.
2024-cü il “Buker” mükafatının təqdimetmə mərasimi noyabrın 12-də keçiriləcək.
Bölmənin digər xəbərləri
