20 Yanvar faciəsi düzgün tarixi faktlarla gələcək nəsillərə çatdırılmalıdır
Bakı, 19 yanvar, AZƏRTAC
20 Yanvar təkcə hüzn, faciə günü deyil. Bu gün xalqımızın qəhrəmanlığını, yenilməzliyini bir daha təsdiq etdi. Xalqımıza qarşı törədilən bu dəhşətli cinayət düzgün tarixi faktlarla gələcək nəsillərə ötürülməli, gənclərimiz tariximizin qəhrəmanlıq səhifəsini unutmamalıdırlar.
Bu fikirləri AZƏRTAC-a müsahibəsində Bakı Slavyan Universtetinin müəllimi, filologiya üzrə fəlsəfə doktoru İbrahim Quliyev söyləyib.
İ.Quliyev bildirib ki, xalqımızın tarixinə unudulmaz qəhrəmanlıq səhifəsi kimi daxil olan 20 Yanvar faciəsi yaddaşlarda silinməz izlər buraxıb. 20 Yanvar Azərbaycan xalqının istiqlalına yol açan şanlı tarixdir. Xalqımız dövlət müstəqilliyinin bərpasında canlarını fəda edən şəhidlərimizin əziz xatirəsini hər zaman uca tutacaq.
Bölmənin digər xəbərləri
