20 YANVAR FACİƏSİ HEC VAXT UNUDULMAYACAQ
Azərbaycan dövlət rayon elektrik stansiyasında şəhidlərin xatirəsinə ucaldılmış memorial abidə kompleksi istifadəyə verilmişdir.
Bu münasibətlə keçirilən təntənəli mərasimdə dövlətimizin müstəqilliyi və ərazi bütövlüyünün müdafiəsi uğrunda canlarını qurban vermiş igid vətən oğullarının xatirəsi yad edilmişdir. Mingəcevir Şəhər İcra Hakimiyyətinin başçısı Məhəbbət Qarabağlı 20 yanvar qırğınının Azərbaycanın milli azadlıq hərəkatı tarixinə qanlı səhifə kimi yazılmasından danışmışdır. Məktəblilər vətənə, şəhidlərə həsr olunmuş şerlər söyləmişlər. Abidə önünə gül-çiçək dəstələri düzülmüşdür.
20 yanvar -Ümumxalq hüzn gününün ildönümü ilə əlaqədar məktəblərdə və mədəniyyət evlərində ədəbi-bədii gecələr, foto-rəsm sərgiləri təşkil olunmuş, həmin faciəli günlərdə ömürlük əlil olmuş şəhər sakinləri Müşviq Paşayev, Zahid Ələkbərov və Ceyhun Məmmədovla görüşlər keçirilmişdir. Sonra şəhər İcra Hakimiyyəti tərəfindən onlara maddi yadımlar edilmişdir.
Şəhidlər Xiyabanında ümumşəhər mitinqi keçirilmişdir.
Bölmənin digər xəbərləri
