20 Yanvar faciəsi xalqımızın azadlıq mübarizəsinin və qəhrəmanlıq salnaməsinin parlaq səhifəsidir
Ağcabədi, 18 yanvar (AZƏRTAC). Ağcabədi şəhərindəki 5 nömrəli tam orta məktəbdə 20 Yanvar faciəsi qurbanlarının xatirəsini anma mərasimi keçirilmişdir.
AZƏRTAC xəbər verir ki, Yeni Azərbaycan Partiyası Ağcabədi rayon təşkilatı qadınlar şurasının və gənclər birliyinin məktəbin kollektivi ilə birgə hazırladığı mərasimdə çıxış edənlər 20 Yanvar faciəsindən, sovet ordusunun günahsız insanları gülləbaran etməsindən, qəhrəman oğul və qızlarımızın Vətənin azadlığını öz canlarından əziz tutmasından, xalqın azadlıq ruhunu boğmağa çalışan imperiyanın öz məqsədinə nail ola bilmədiyindən danışmış, qanlı hadisəni Azərbaycan xalqının azadlıq mübarizəsinin və qəhrəmanlıq salnaməsinin parlaq səhifəsi adlandırmışlar.
Tədbirdə məktəblilər 20 yanvar şəhidlərinin xatirəsinə həsr edilmiş ədəbi-bədii kompozisiya nümayiş etdirmişlər.
Bölmənin digər xəbərləri
