20 Yanvar faciəsinin ildönümünə həsr olunmuş rəsm sərgisi açılmışdır
Bakı, 18 yanvar (AZƏRTAC). Bakı Şəhəri üzrə Təhsil İdarəsinin (BŞTİ) müvafiq tədbirlər planına uyğun olaraq Tofiq İsmayılov adına Uşaq Gənclər Yaradıcılıq Sarayının “Uşaq Dünyası” Rəsm Qalereyasında məktəbdənkənar təhsil müəssisələrinin dərnək üzvlərinin və orta ümumtəhsil məktəblərinin şagirdlərinin əl işlərindən ibarət rəsm sərgisi açılmışdır.
BŞTİ-dən AZƏRTAC-a bildirmişlər ki, tədbirin məqsədi qan yaddaşımıza yazılmış 20 Yanvar faciəsini və şəhidlərimizin xatirəsini yad etməkdir.
Əvvəlcə faciə qurbanlarının xatirəsi bir dəqiqəlik sükutla yad olunmuşdur.
Tədbirdə çıxış edənlər 1990-cı il yanvarın 19-dan 20-nə keçən gecə baş vermiş qanlı faciədən söhbət açmış, bu hadisənin çağdaş tariximizə xalqımızın qürur və şərəf mübarizəsi kimi daxil olduğunu vurğulamışlar.
Sonra iştirakçılar sərgi ilə tanış olmuşlar.
Sərgidə 100 - dən çox rəsm işi nümayiş etdirilmişdir.
Rəsmlərdə yanvarın 19-dan 20-nə keçən gecə keçmiş sovet imperiyasının silahsız və günahsız əhaliyə qarşı törətdiyi qanlı hadisələr və bu vəhşiliklərə qarşı mərdliklə mübarizə aparmış qəhrəman oğul və qızlarımızın məğrurluğu da öz əksini tapmışdır.
Bölmənin digər xəbərləri
