20 YANVAR ŞƏHİDLƏRİNİN ƏZİZ XATİRƏSİ ZƏRDABDA DA ANILMIŞDIR
Zərdab Rayon İcra Hakimiyyətinin şöbə müdiri Allahverdi Səfərovun verdiyi məlumata görə, faciənin 16-cı ildönümü ərəfəsində rayonun 28 qəsəbə və kəndində Azərbaycanın ərazi bütövlüyü uğrunda şəhid olmuş zərdablı gənclərin xatirəsini əbədiləşdirmək məqsədi ilə xatirə kompleksləri tikilmişdir.
Yanvarın 20-də şəhərin mərkəzində daxili imkanlar hesabına tikilmiş “Şəhidlərin xatirə parkı”nın açılışı olmuşdur. Mərasimə toplaşan minlərlə zərdablı, şəhid ailələri şəhidlərin xatirəsinə göstərilən yüksək qayğıya görə Prezident İlham Əliyevə öz dərin minnətdarlıqlarını bildirmişlər. Açılışı bildirən lent kəsildikdən sonra rayon rəhbərliyi və ictimaiyyət nümayəndələri parkda yaradılmış abidə kompleksinin önünə əklil və gül-çiçək dəstələri qoymuşlar.
Həmin gün şəhər mədəniyyət evində 20 Yanvar faciəsinə həsr olunmuş ədəbi-bədii kompozisiya nümayiş etdirilmişdir.
Saat 12-də rayon ərazisində şəhidlərin xatirəsi bir dəqiqəlik sükutla yad edilmişdir.
Bölmənin digər xəbərləri
