Fərid Pərdəşünas: Mənfi halların qarşısını almaq üçün yeni qanun layihəsinin qəbulu vacibdir VİDEO
Bakı, 10 iyun, AZƏRTAC
Sosial mediada istifadə olunan məzmunlar filtrasiyadan keçmir və birbaşa uşaqların qarşısına çıxır. Bu da onlar üçün böyük təhlükə yarada bilər.
AZƏRTAC xəbər verir ki, bunu Mətbuat Şurasının İdarə Heyətinin üzvü Fərid Pərdəşünas Medianın İnkişafı Agentliyinin təşkilatçılığı ilə keçirilən ictimai müzakirə çərçivəsində jurnalistlərə açıqlamasında bildirib.
O vurğulayıb ki, qanunda edilən dəyişikliyin əsas məqsədi uşaqların internetdən istifadəsini nəzarət mexanizmi çərçivəsində məhdudlaşdırmaqdır.
“Bu qanun layihəsi dünyada son zamanlar olduqca aktual məsələdir. Müxtəlif ölkələr, xüsusilə Avstraliya, Türkiyə və bir çox Avropa ölkələri artıq bu mexanizmdən istifadə edirlər. Bir çox mənfi halların qarşısını almaq üçün yeni qanun layihəsinin qəbulu olduqca vacibdir”, - deyə Mətbuat Şurasının İdarə Heyətinin üzvü bildirib.
Bölmənin digər xəbərləri
