8 MART QADINLAR GÜNÜ ŞƏRƏFİNƏ
Şəhər icra hakimiyyətinin başçısı Vaqif Əliyev tədbirdə çıxış edərək 8 Mart bayramının yaranma tarixindən danışmışdır. Qeyd olunmuşdur ki, Ermənistan-Azərbaycan, Dağlıq Qarabağ müharibəsinin ağrı-acısına sinə gərən, öz Vətənində köçkünə və qaçqına çevrilən, iqtisadi problemlərlə üzləşən Azərbaycan qadınları kişilərlə bərabər zəmanəmizin ağır yükünü öz zərif çiyinlərində daşıyırlar. Bizim ana və bacılarımız təmkin və ləyaqətlərini heç zaman itirməyərək, adları Azərbaycan tarixinə düşmüş qadınlarımızın varislik ənənələrinə sadiq olmuşlar.
Natiq Sumqayıt qadınlarını təbrik edərək, onların şəhər həyatının bütün sahələrində peşəkarlıqla çalışdıqlarını, dözümlülük və yüksək siyasi zəka sahibi olduqlarını xüsusi vurğulamışdır.
Sonra Rəşid Behbudov adına Dövlət Mahnı, H.Ərəblinski adına Sumqayıt Dövlət Musiqili Dram teatrları, şəhərin bədii özfəaliyyət və məktəbəqədər uşaq müəssisələri kollektivlərinin iştirakı ilə bayram konserti olmuşdur.
