REGİONLAR


Abşeronda 38 çoxmənzilli binanın dam örtüyü yenilənib

Xırdalan, 10 fevral, Ətrabə Rzayeva, AZƏRTAC 

2018-ci ildə Xırdalan şəhərində 30 binanın dam örtüyü, 14 binanın fasadı, 12 binanın pilləkən qəfəsi və kanalizasiya xətləri əsaslı təmir olunub. Bundan əlavə, Ceyranbatan qəsəbəsində 8 çoxmənzilli yaşayış binasının dam örtüyü, fasadı, pilləkən qəfəsi, Mehdiabad qəsəbəsində 1 dördmərtəbəli, 7 girişli çoxmənzilli yaşayış binasının pilləkən qəfəsi təmir edilib.

AZƏRTAC xəbər verir ki, bununla yanaşı, Ceyranbatan qəsəbəsində Təbrik küçəsi 1, 3, 5 saylı və Gündüz Abdullayev küçəsi 28 saylı çoxmənzilli yaşayış binalarının zirzəmilərinin kanalizasiya xətləri təmir edilib, binaların həyətində 360 metr kanalizasiya xətti çəkilərək zirzəmilərin subasması ilə bağlı problem tamamilə aradan qaldırılıb. Həmçinin əraziyə asfalt döşənərək nümunəvi məhəllə yaradılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.