İDMAN


Azərbaycanın iki boksçusu Usti-nad-Labem Qran-Prisində yarımfinala yüksəlib

Bakı, 24 may, AZƏRTAC

Çexiyada keçirilən boks üzrə Usti-nad-Labem Qran-Prisində dörddəbir final mərhələsinə yekun vurulub.

AZƏRTAC xəbər verir ki, yarışa dörd idmançı ilə qatılan Azərbaycan millisinin iki üzvü yarımfinala vəsiqə əldə edib. Vaqif Şirinovun yetirmələri Lorenzo Sotomayor (69 kq) avstriyalı Marsel Rumpleri, Alfonso Dominqes (81 kq) isə türkiyəli Bayram Malkanı məğlub edərək yarımfinalda iştirak hüququ qazanıblar.

Digər boksçularımız Elvin Məmişzadə (52 kq) macarıstanlı Martin Virbana, Sərxan Əliyev (63 kq) isə braziliyalı Vanders Oliveyraya məğlub olub.

Yarımfinal mərhələsinin görüşləri mayın 24-də, final döyüşləri isə ertəsi gün təşkil ediləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.