Filarmoniyada Azərbaycan Dövlət Simfonik Orkestrinin konserti olacaq
Bakı, 24 oktyabr, AZƏRTAC
Oktyabrın 31-də M.Maqomayev adına Azərbaycan Dövlət Akademik Filarmoniyasında Üzeyir Hacıbəyli adına Azərbaycan Dövlət Simfonik Orkestrinin konserti olacaq.
AZƏRTAC xəbər verir ki, konsert proqramı görkəmli bəstəkar Fikrət Əmirovun 100 illiyi münasibətilə təqdim ediləcək.
Konsertdə Xalq artisti Fəxrəddin Kərimovun dirijorluğu ilə Xalq artisti Fərhad Bədəlbəyli pianoda çıxış edəcək.
Proqramda Fikrət Əmirovun “Azərbaycan” simfonik süitası, “Gülüstan Bayatı-Şiraz” simfonik muğamı, piano və orkestr üçün ərəb mövzuları əsasında kompozisiyalar səsləndiriləcək.
Biletləri iticket.az saytından əldə etmək olar.
Bölmənin digər xəbərləri
