CƏMİYYƏT


İşğaldan azad olunmuş Cəbrayıl şəhərinin “Azersky” peykindən əldə edilmiş təsviri

Bakı, 8 oktyabr, AZƏRTAC

Bu gün Azərbaycan Respublikasının dövlət bayrağı Ermənistanın işğalından azad olunmuş Cəbrayıl şəhərində dalğalanır.

“Azərkosmos” ASC-dən AZƏRTAC-a bildirilib ki, “Azersky” peyki vasitəsilə əldə olunmuş təsvirdən göründüyü kimi, 27 il ərzində işğal altında olan Cəbrayıl şəhərində Ermənistanın hərbi təcavüzü nəticəsində Azərbaycan xalqına məxsus tarixi və mədəni abidələr dağıdılıb. Həmin ərazilərdə qeyri-qanuni iqtisadi və kənd təsərrüfatı fəaliyyətləri həyata keçirilib.

Ermənistanın beynəlxalq hüquqa zidd olan bu kimi fəaliyyəti, hələ ki, Azərbaycanın digər işğal altında olan torpaqlarında davam edir. “Azersky” peyki vasitəsilə bu fəaliyyətlər gündəlik olaraq izlənilir. Monitorinqlər nəticəsində əldə olunan məlumatlar dünya ictimaiyyətinə çatdırılır.

Tarixi ərazimiz olan Dağlıq Qarabağda Ermənistanın işğalçı siyasətinə qarşı apardığımız haqlı mübarizədə böyük zəfərlə qalib gələcəyimizə əminik! Biz haqlıyıq, biz zəfər çalacağıq! Qarabağ bizimdir, Qarabağ Azərbaycandır!

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.