DÜNYA


Türkiyə hökumətinin növbəti iclası keçirilib

Ankara, 8 dekabr, AZƏRTAC

Hədəfimiz sərmayə qoyuluşunun, məşğulluğun, istehsalın və ixracatın artırılması və inkişafdır. Yeni iqtisadi siyasətimizin əsasını davamlı istehsalın qorunması, məşğulluğun təmin edilməsi və rifahın yaxşılaşdırılması təşkil edəcək.

AZƏRTAC xəbər verir ki, bu fikirləri Prezident Rəcəb Tayyib Ərdoğan Türkiyə hökumətinin növbəti iclasından sonra xalqa ənənəvi müraciətində deyib.

Quraqlığa görə zərər çəkən 651 istehsalçıya ümumilikdə 2,6 milyard lirə məbləğində kompensasiya ödəniləcəyini diqqətə çatdıran dövlət başçısı vurğulayıb ki, süni qiymət artımına yol verilməyəcək. Prezident sərmayə yatırmaq imkanı olanları Türkiyənin yeni iqtisadi inkişaf proqramına qoşulmağa dəvət edib.

Qeyd edək ki, son vaxtlar Türkiyənin milli valyutası ABŞ dolları ilə müqayisədə xeyli ucuzlaşıb. Bunu nəzərə alan hökumət maliyyə və iqtisadi böhranların yaranmaması üçün ciddi tədbirlər görməyə başlayıb.

Sabir Şahtaxtı

AZƏRTAC-ın xüsusi müxbiri

Ankara

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.