ABŞ-nin xarici ticarət kəsiri 2025-ci ilin əvvəlindən bəri ən yüksək səviyyədədir
Bakı, 4 sentyabr, AZƏRTAC
ABŞ-nin xarici ticarət kəsiri iyul ayında kəskin artım göstərərək 2025-ci ilin əvvəlindən bəri ən yüksək səviyyəyə çatıb.
AZƏRTAC xarici mediaya istinadla xəbər verir ki, Ticarət Nazirliyinin məlumatlarına görə, iyulda məhsul və xidmətlərdə ticarət kəsiri əvvəlki aya nisbətən 24,4 faiz artaraq 88,6 milyard dollara çatıb. Bu dövrdə idxal 2,8 faiz artıb, ixrac isə 2,1 faiz azalıb.
Kompüterlər və aksesuarlar, yarımkeçiricilər və telekommunikasiya avadanlıqlarını əhatə edən, lakin avtomobillər istisna olmaqla, kapital mallarının idxalı 11,4 faiz artaraq 1993-cü ildən bəri ən yüksək səviyyəyə çatıb.
“Bloomberg”in iqtisadçıları ticarət kəsirinin 90,2 milyard dollar olacağını proqnozlaşdırırdılar.
Ekspertlərin fikrincə, texnologiya idxalının sürətli artımı ABŞ-nin iqtisadiyyatının böyüməsinin əsas hərəkətverici qüvvəsi olan süni intellektə investisiya yarışını əks etdirir. Bununla yanaşı, Amerika şirkətləri təchizat zəncirindəki fasilələri azaltmağa çalışarkən İranla münaqişə ABŞ-nin neft məhsullarına qlobal tələbatı artırdığı üçün ticarət kəsiri son aylarda dəyişib.
Bölmənin digər xəbərləri
