Vüsal Murtuzəliyev: “Məhmət Fəthlər Sultanı” serialında səsləndirdiyim Konstantin çox emosional rol idi

03.09.2026 [18:36]
Çap et
A⁺ A^-

Bakı, 3 sentyabr, AZƏRTAC

Səsləndirdiyim obrazlar arasında seçim etmək çətin olar. Məsələn, AzTV-də yayımlanan “Məhmət Fəthlər Sultanı” serialında səsləndirdiyim Konstantin çox xarakterik və emosional rol idi. Elə rolları mən çox sevdiyimə görə, onu səsləndirməkdən zövq almışam.

Bunu AZƏRTAC-a açıqlamasında dublyaj aktyoru Vüsal Murtuzəliyev deyib.

O qeyd edib ki, dublyaj zamanı yalnız səsin obraza uyğunluğu deyil, aktyorun yaratdığı xarakterin düzgün ifadə olunması da vacibdir. “Dublyaj aktyoru ekranda oynayan aktyorun bütün emosiyalarını səsi ilə çatdırmalıdır. Aktyor ağlayırsa, qışqırırsa və ya qaçarkən təngnəfəs qalırsa, həmin emosional vəziyyət səsləndirmədə də öz əksini tapmalıdır”, – deyə müsahib əlavə edib.

_{Müxbir – Fidan Əlizadə}

_{Fotoqraf – Səfiyar Məcnun}

_{Videooperator – İlham Nadirov}