Şahmat Olimpiadası: Azərbaycan yığmaları bu gün növbəti görüşlərini keçirəcəklər
Bakı, 24 sentyabr, AZƏRTAC
Özbəkistanın Səmərqənd şəhərində təşkil olunan 46-cı Ümumdünya Şahmat Olimpiadasında Azərbaycan yığmaları bu gün növbəti görüşlərini keçirəcəklər.
AZƏRTAC xəbər verir ki, kişilərdən ibarət komanda VIII turda Hindistanla üz-üzə gələcək. Qadınlar isə Argentinadan olan rəqibləri ilə qarşılaşacaqlar. Yeddi turdan sonra kişilərdən ibarət kollektiv 12 xalla 5-ci, qadınlardan ibarət milli isə 10 xalla 14-cü pillədə qərarlaşıb.
Qeyd edək ki, İsveçrə sistemi üzrə keçirilən Ümumdünya Şahmat Olimpiadası 11 turdan ibarətdir və sentyabrın 27-də başa çatacaq. Olimpiadada 208 komandanın heyətində 1032 şahmatçı iştirak edir.
Bölmənin digər xəbərləri
