Formula 1-lə əlaqədar Bakı metropolitenində iş saatı uzadılır
Bakı, 24 sentyabr, AZƏRTAC
Formula 1 üzrə Azərbaycan Qran-Prisi ilə əlaqədar Bakı Metropolitenində iş qrafiki dəyişdiriləcək.
“Bakı Metropoliteni” QSC-dən AZƏRTAC-a bildirilib ki, mədəni-kütləvi tədbirlər planına uyğun olaraq, sentyabrın 24-dən 26-dək 3 stansiya - “İçərişəhər”, “Sahil” və “28 May” gücləndirilmiş rejimdə fəaliyyət göstərəcək. Stansiyalara növbətçilik cədvəli əsasında əlavə işçi qüvvəsi ayrılacaq.
Ayın 24-dən 25-nə və 25-dən 26-na keçən gecə qeyd edilən 3 stansiya saat 01:00-a qədər sərnişinlərin girişinə açıq olacaq.
Yaşıl və Bənövşəyi xətlər üzrə hərəkət ənənəvi qaydada təşkil ediləcək, həmçinin Qırmızı xəttin digər stansiyaları saat 00:00-da bağlanacaq.
Bölmənin digər xəbərləri
