Dövlət Departamenti: İsrailin livanlı məhbusları azad etməsi ABŞ-nin vasitəçiliyinin nəticəsidir

03.09.2026 [20:03]
Çap et
A⁺ A^-

Vaşinqton, 3 sentyabr, AZƏRTAC

İsrailin livanlı məhbusları azad etməsi son həftələrdə ABŞ-nin iki ölkə arasında vasitəçiliyinin nəticəsidir.

AZƏRTAC xəbər verir ki, bu sözləri ABŞ Dövlət Departamentinin yüksəkvəzifəli rəsmisi “Axios”un müxbiri Barak Ravidə açıqlamasında deyib.

Onun sözlərinə görə, məsələ avqust ayında Romada İsrail və Livan arasında keçirilən son danışıqlar zamanı qaldırılıb və ABŞ-nin Livandakı səfiri Mişel İssanın bu həftənin əvvəlində İsrailə səfəri zamanı yekunlaşdırılıb.

Dövlət Departamentinin rəsmisi qeyd edib ki, Tramp administrasiyası İsrail və Livan arasında gündəlik olaraq dialoqu asanlaşdırmağa davam edir və bu ayın sonunda Romada keçiriləcək növbəti danışıqlar mərhələsini səbirsizliklə gözləyir.

_{Məlahət Nəcəfova}

_{AZƏRTAC-ın xüsusi müxbiri}

_Vaşinqton