Elnur Əliyev: Səriştəəsaslı məzmun və qiymətləndirmə istiqamətində mühüm islahatlar həyata keçirilib
Bakı, 4 sentyabr, AZƏRTAC
Son illər Azərbaycanda beynəlxalq qiymətləndirmə tədqiqatlarının nəticələri əsasında səriştəəsaslı məzmun və qiymətləndirmə istiqamətində bir sıra vacib təhsil islahatları həyata keçirilib.
AZƏRTAC xəbər verir ki, bu sözləri PISA beynəlxalq qiymətləndirmə tədqiqatı ilə bağlı məlumatlandırma görüşündə Təhsil İnstitutunun direktor səlahiyyətlərini müvəqqəti icra edən, elm və təhsil nazirinin müşaviri Elnur Əliyev deyib. O bildirib ki, islahatlar çərçivəsində təbiət fənni üzrə yeni məzmun və kurikulum hazırlanıb, tədris dili, riyaziyyat və həyat bilgisi fənlərinin məzmunu və kurikulumu yenilənib.
Elnur Əliyevin sözlərinə görə, eyni zamanda, STEAM əsaslı təhsilə keçid istiqamətində mühüm addımlar atılıb, müəllimlərin peşəkar inkişafı proqramlarında müvafiq dəyişikliklər edilib.
Bölmənin digər xəbərləri
