İDMAN


URS reytinqində Şəhriyar Məmmədyarov dünya üzrə beşincidir

Bakı, 1 yanvar, AZƏRTAC

URS - “Grand chess tour” və Kasparov Fondu tərəfindən təsis edilmiş universal reytinq dərc edilib. Bu reytinqdə klassik şahmat, rapid və blits üzrə bütün yarışlarda çıxışların nəticələri nəzərə alınır.

AZƏRTAC xəbər verir ki, reytinq əmsalı 2792 olan Azərbaycan qrossmeysteri Şəhriyar Məmmədyarov dünya üzrə ilk onluqda beşinci yerdədir. İlk onluqda birinci yeri Norveç nümayəndəsi Maqnus Karlsen (2859) tutub. İkinci yerdə amerikalı şahmatçı Hikaru Nakamura (2806), üçüncü pillədə isə fransız Maksim Vaşye-Laqrav (2796) qərarlaşıblar.

Azərbaycan şahmatçılarından daha beş nəfər dünya üzrə ilk yüzlüyə daxildir – Teymur Rəcəbov (2750) 18-ci, Rauf Məmmədov (2713) 37-ci, Eltac Səfərli (2703) 45-ci, Arkadi Naydiç (2699) 48-ci, Qədir Hüseynov (2696) 54-cü yerdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.