İsveç cinayətkarlıqla mübarizədə videonəzarəti gücləndirəcək
Stokholm, 11 may, AZƏRTAC
İsveçin Mötədil Partiyası seçki kampaniyasında videonəzarət sisteminin genişləndirilməsini əsas məsələyə çevirmək niyyətindədir.
AZƏRTAC xəbər verir ki, partiya cinayətkarlıqla mübarizə aparmaq üçün 2029-cu ilə qədər ölkə daxilində əlavə 10.000 polis kamerası quraşdırmağı təklif edir. Artıq qarşıya 2027-ci ilə qədər ölkə daxilində əlavə 5.000 polis kamerası quraşdırmaq məqsədi qoyulub
Müqayisə üçün qeyd edilib ki, 2022-ci ildə İsveçdə belə kameraların sayı 1000-dən az idi.
Ədliyyə naziri Qunnar Strömmerin sözlərinə görə, kameralar texniki dəlillərə çıxışı sayəsində həm cinayətlərin qarşısının alınmasında, həm də ciddi cinayət işlərinin araşdırılmasında mühüm rol oynayır. Buraya stasionar və mobil kameralar, dronlar və avtomatik nömrə nişanı tanıma sistemləri daxildir. Baş nazir Ulf Kristersson bildirib ki, bələdiyyələr kameraların istifadəsini ehtiyac duyulan ərazilərdə müstəqil şəkildə genişləndirə biləcək. Partiya hesab edir ki, kameraların sayının artması cinayətlərin aşkarlanmasında artıq əhəmiyyətli dərəcədə irəliləyişlərə səbəb olub.
Bölmənin digər xəbərləri
