Respublika Gənclər Kitabxanası növbəti videoçarxı onlayn rejimdə təqdim edib
Bakı, 23 aprel, AZƏRTAC
Respublika Gənclər Kitabxanası Dünya Kitab və Müəlliflik Hüquqları Günü ilə əlaqədar hazırladığı videoçarxı onlayn rejimdə istifadəçilərə təqdim edib.
Kitabxanadan AZƏRTAC-a bildirilib ki, videoçarxda kitab, mütaliə mövzusunda dəyərli fikirlər yer alıb, kitablara və müəlliflərə dünya miqyasında verilən dəyərdən bəhs edilib. Kitabxananın əməkdaşları tərəfindən hazırlanan materialda Dünya Kitab və Müəlliflik Hüquqları Gününün tarixi, əhəmiyyəti, məqsədi haqqında ətraflı məlumat verilib, 23 aprel tarixinin dünya ədəbiyyatında simvolik xarakter daşıması- Uilyam Şekspir, Migel Servantes və İnka Qarsilaso dela Veqa kimi dünya miqyaslı, görkəmli müəlliflərin vəfat tarixi ilə əlaqədar olması istifadəçilərin diqqətinə çatdırılıb.
Bölmənin digər xəbərləri
