® “Fəhlədən İnkişaf” layihəsinin iştirakçıları mütəxəssis vəzifələrinə yüksəlib
Bu layihə 72 nəfər əməkdaşın karyerasında dönüş nöqtəsi olub
Veysəloğlu Şirkətlər Qrupu karyeralarında inkişaf etmək istəyən əməkdaşlara dəstək məqsədilə “Fəhlədən İnkişaf” (FİL) layihəsi həyata keçirir. Proqram çərçivəsində logistika sahəsində fəhlə olaraq çalışan əməkdaşların bilikləri təkmilləşdirilərək müvafiq sahələr üzrə menecer, mütəxəssis və digər ixtisas tələb edən vəzifələrə sahib ola bilirlər.
İndiyə qədər layihədə iştirak edən 72 əməkdaş şirkətdə müxtəlif sahələr üzrə mütəxəssis və texniki icraçı kateqoriyalı vəzifələrə yüksəlib.
“Müasir biznes dünyasında əməkdaşların iş yerində görmək istədikləri ən vacib amillərdən biri onlara karyera inkişafları ilə bağlı fürsətlərdir. İnsan resursları komandamız bunu nəzərə alaraq “Fəhlədən İnkişaf” layihəsinə başladı. Bu layihə ilə əməkdaşlarımıza karyeralarında yeni üfüqlər açaraq onlara arzuladıqları sahədə fəaliyyət göstərmələri üçün dəstək göstəririk. Məqsədlərimizdən biri də Azərbaycanın əmək bazarında ixtisaslı kadrlar yetişdirməkdir”,- deyə layihə koordinatoru Həsən Məmmədli bildirib. https://www.youtube.com/watch?v=cYg_ATZRU6c
Qeyd edək ki, layihədə iştirak edən əməkdaşlar təlimlər müddətində müvafiq vəzifənin tələb etdiyi nəzəri və praktik biliklərə yiyələnirlər. Növbəti mərhələdə proqramı tamamlamış əməkdaşlar müxtəlif sahələr üzrə mütəxəssis vəzifələrinə sahib ola bilirlər.
Veysəloğlu Şirkətlər Qrupu (www.veyseloglu.az) pərakəndə, distribusiya, logistika və istehsalat daxil olmaqla, tədarük zəncirinin müxtəlif sahələrini əhatə edən çoxşaxəli FMCG (gündəlik istehlak malları) qrupudur. Şirkətlər Qrupunun fəlsəfəsi ölkə iqtisadiyyatı və əhali üçün dəyər yaratmaqla qida təhlükəsizliyi və ərzaq təminatının davamlılığına nail olmaqdır.
2022-ci ildə dünyada tanınmış konsaltinq şirkətlərindən biri olan “Deloitte” şirkətinin Azərbaycanda ilk dəfə təşkil etdiyi nüfuzlu “Best Managed Companies” müsabiqəsində Veysəloğlu Şirkətlər Qrupu qaliblərdən biri elan edilib.
Bölmənin digər xəbərləri
