"CƏNUB TV" FƏALIYYƏTƏ BAŞLAMIŞDIR
AZƏRTAC-ın müxbiri xəbər verir ki, respublikada daha bir regional televiziya - "Cənub TV" fəaliyyətə başlamışdır. Bu kanal ötən il fəaliyyəti dayandırılan "LənkəranTV" nin tezliyində yayımlanır. Milli Televiziya və Radio Şurası regional telekanala ötən ilin sentyabrında 6 illik müddətə xüsusi razılıq (lisenziya) versə də, "Cənub TV" MMC ilin son günündə -Dünya Azərbaycanlılarının Həmrəylik Günü olan 31 dekabrda efirə çıxmışdır.
Qeyd edək ki, "Lənkəran TV"nin fəaliyyəti təsisçiliylə bağlı sənədlərdə problem meydana çıxdığından Milli Televiziya və Radio Şurası tərəfindən ötən ilin iyunun 18-də dayandırılmışdı. Onun tezliyi üzrə elan edilmiş müsabiqədə isə "Cənub TV" qalib gəlmışdır. Cənub bölgəsinin bütün rayonlarına yayımlanan TV-nin 700 mindən artıq tamaşaçı auditoriyası vardır.
Hazırda "Cənub TV " səhər saat 09.00-dan gecə saat 02.00-dək yayımlanır.
Bölmənin digər xəbərləri
