"İnter"lə matçda ürəyi dayanan futbolçunun durumuna aydınlıq gəlib
Bakı, 2 dekabr, AZƏRTAC
İtaliya A seriyasının XIV turunun "İnter"lə matçında huşunu itirərək yerə yıxılan "Fiorentina"nın futbolçusu Edoardo Bovenin durumuna aydınlıq gəlib.
AZƏRTAC klubun rəsmi saytına istinadən xəbər verir ki, oyunun 17-ci dəqiqəsində hesab 0:0 olarkən ürəyi dayanan 22 yaşlı yarımmüdafiəçi xəstəxanada özünə gəlib.
O, daha əvvəl də ürəyinin dayanmasına və huşunu itirməsinə səbəb olan epileptik tutma keçirib. Hazırda futbolçunun səhhətinin qənaətbəxş olduğu bildirilib.
Qeyd edək ki, bu hadisədən sonra baş hakim Daniele Doveri hər iki tərəflə müzakirə apararaq "Fiorentina" - "İnter" qarşılaşmasını yarımçıq dayandırıb.
Bölmənin digər xəbərləri
