AAK-ın prezidenti: Bizim Konqresin fəaliyyəti bütövlüklə Azərbaycan dövlətinin məqsədlərinə xidmət edir
Brüssel, 4 iyun, AZƏRTAC
Avropa Azərbaycanlıları Konqresi (AAK) öz fəaliyyətini Azərbaycan dövlətinin strategiyaları və ölkəmizin rəhbərliyi tərəfindən cəmiyyət qarşısında qoyulan hədəflər çərçivəsində qurur.
AAK-ın prezidenti Sahil Qasımov bu fikri AZƏRTAC-a müsahibəsində söyləyib.
“Bizim Konqresə öz ölkələrində yüksək nüfuz sahibi olan onlarca diaspor təşkilatları daxildir. 44 günlük Vətən müharibəsindən əvvəlki uzun illər boyu, eləcə də müharibə dövründə və indi, çoxdan gözlənilən Qələbədən sonra da bizim bütün fəaliyyətimiz, hər addımımız, təşkilatlarımız tərəfindən keçirilən hər bir tədbir Azərbaycan xalqının torpaqlarımızın işğaldan azad olunması kimi əsas arzusunun yerinə yetirilməsinə istiqamətlənib. İndi, arzumuzun reallığa çevrildiyi bir vaxtda dövlətimiz və cəmiyyətimiz qarşısında daha böyük vəzifə - dağıdılmış əraziləri bərpa etmək və qaçqınları öz evlərinə qaytarmaq vəzifəsi durur”, - deyən Sahil Qasımov qeyd edib ki, Avropa azərbaycanlıları öz fəaliyyətlərini dövlət tərəfindən qarşıya qoyulan məqsədləri dəstəkləyərək quracaqlar.
Vüqar Seyidov
AZƏRTAC-ın xüsusi müxbiri
Brüssel
Bölmənin digər xəbərləri
