ABŞ-da COVID-19-a gündəlik yoluxmanın 44 faizi yeni ştamın payına düşür
Bakı, 26 dekabr, AZƏRTAC
ABŞ-da koronavirusun JN.1 adlı yeni ştamına yoluxma sürətlə artır.
AZƏRTAC ABŞ-ın Xəstəliklərə Nəzarət və Profilaktika Mərkəzinin yaydığı məlumata əsasən xəbər verir ki, ölkədə COVID-19-a gündəlik yoluxmanın təxminən 44 faizi yeni ştamın payına düşür. Əvvəlki hesablamalara əsasən bu göstərici 21,4 faiz olub.
Mərkəzin açıqlamasında qeyd olunur ki, virusun JN.1 variantı xüsusilə Nyu-Cersi, Nyu-York kimi şimal regionlarında daha sürətlə yayılır. Bu ərazilərdə ümumi infeksiya xəstəlikləri içərisində 67 faiz yeni ştama yoluxma qeydə alınıb.
JN.1 ştamı mərkəzin bu ilin avqustundan qeydə aldığı və izlədiyi BA.2.86 variantına yaxındır. Yeni ştam ABŞ-da bu ilin sentyabrında aşkar edilib.
Bölmənin digər xəbərləri
