ABŞ İRANLA ALVER ETMİŞ ŞİRKƏTLƏRİ CƏZALANDIRDI
Dövlət Departamentinin nümayəndəsi bildirmişdir ki, cəza tədbirləri həmin şirkətlərə ABŞ-ın federal idarələri ilə hər hansı iş aparmağı, habelə Amerika firmalarından müəyyən məhsul və texnologiyalar almaq üçün zəruri lisenziyalar verilməsini qadağan edir.
Sanksiyalar tətbiq edilən şirkətlərin altısı Çinə, ikisi Hindistana və biri Avstriyaya məxsusdur. Sanksiyalar 2007-ci ilin sonunadək qüvvədə olacaqdır.
ABŞ Mərkəzi Kəşfiyyat İdarəsinin Konqresə göndərdiyi məruzədə deyilir ki, İran nüvə silahı və kimyəvi silah yaradılması işlərini davam etdirmək üçün zəruri materiallar almağa çalışır. Tehranın mümkün ticarət tərəfdaşları sırasında Rusiya, Çin, Şimali Koreya, habelə bəzi Avropa ölkələri şirkətlərinin adları çəkilir.
Bundan əvvəl Çin bəyan etmişdir ki, İrana hərbi məqsədlər üçün istifadə oluna biləcək avadanlıq və materiallar satmamışdır.
2000-ci ildə ABŞ Konqresi İranın nüvə silahı və kimyəvi silah almasına yol verməməli, habelə belə silahın hədəfə çatdırılması vasitələrinin hazırlanmasına dair proqramların həyata keçirilməsini dayandırmalı olan qanun qəbul etmişdir.
Bölmənin digər xəbərləri
