ABŞ kəşfiyyatı: Bu il Ukraynada sülh danışıqları ehtimalı azdır
Bakı, 13 aprel, AZƏRTAC
ABŞ Müdafiə Nazirliyinin Kəşfiyyat İdarəsi bu il Kiyevlə Moskva arasında sülh danışıqları ehtimalının az olduğunu hesab edir.
AZƏRTAC xəbər verir ki, “The Washington Post” qəzeti bu barədə internetə sızan məxfi sənədlərə istinadla məlumat yayıb. “Nəzərdən keçirilən bütün ssenarilərdə 2023-cü ildə sülh danışıqlarının başlama ehtimalı azdır”, - deyə məlumatda bildirilir.
Mütəxəssislər 2024-cü ildə də Ukrayna ərazisində hərbi əməliyyatların davam edəcəyini düşünürlər. Onların fikrincə, hər iki tərəf münaqişənin bitməsi barədə danışıqlardan imtina edəcək.
Qəzetin versiyasına görə, bu il nə Ukrayna, nə də Rusiya döyüş meydanında həlledici üstünlük qazana bilməyəcək.
Bölmənin digər xəbərləri
