ABŞ-LA MÜNASİBƏTLƏRİN TARİXİ AZƏRBAYCANIN ETİBARLI TƏRƏFDAŞ OLDUĞUNU SÜBUT EDİR
AZƏRTAC xəbər verir ki, bu fikri Azərbaycan Prezidenti İlham Əliyev xarici ölkələrin kütləvi informasiya vasitələrinin Rusiyada akkreditə olunmuş nümayəndələri ilə görüşündə ABŞ-ın “Christian Science Monitor” qəzetinin müxbirinin sualına cavabında söyləmiş və demişdir ki, bu, bizim ABŞ ilə möhkəm tərəfdaşlığımızın aydın göstəricisi oldu. Biz terrorizmə qarşı mübarizədə əməkdaşlıq edirik. Bu əməkdaşlıq çox əhəmiyyətlidir, onun artıq yaxşı tarixçəsi və hesab edirəm ki, yaxşı gələcəyi vardır. ABŞ ilə enerji, regional inkişaf və antiterror əməliyyatları kimi müxtəlif sahələrdə yaxşı əlaqələrimiz mövcuddur. Biz hesab edirik ki, bu münasibətlərin tarixi Azərbaycanın etibarlı tərəfdaş olduğunu sübut edir.
Bölmənin digər xəbərləri
