ABŞ Rusiyadan asılılığını azaltmaq üçün zənginləşdirilmiş uranın istehsalını artıracaq
Bakı, 25 yanvar, AZƏRTAC
ABŞ Energetika Nazirliyi Rusiyadan tədarük asılılığını azaltmaq üçün aşağı zənginləşdirilmiş uranın istehsalını artırmağı planlaşdırır.
AZƏRTAC xəbər verir ki, bu barədə nazirliyin nümayəndəsi Yaponiyanın “Yomiuri” qəzetinə müsahibəsində bildirib.
Onun sözlərinə görə, Birləşmiş Ştatlar Böyük Britaniya, Kanada, Fransa və Yaponiya ilə sıx əməkdaşlıq edərək Rusiyadan idxala imtina etməyə imkan verəcək bu yanacaq növü üçün yeni təchizat zəncirləri şəbəkəsi yaratmağa hazırlaşır. Bildirib ki, bu məqsədlər üçün Amerikanın özəl podratçılarının potensialının artırılmasını nəzərdə tutan müvafiq layihəyə təxminən 2,2 milyard dollar ayrılması planlaşdırılır.
Qeyd edib ki, Rusiya nüvə yanacağından asılılıq ABŞ-ın təhlükəsizliyinə təhdid yaradır. Bu ölkədən aşağı zənginləşdirilmiş uranın tədarükü Amerika idxalının təxminən 20 faizini təşkil edir.
Bölmənin digər xəbərləri
