Ağacların kəsilməsinə görə bələdiyyə sədri cərimələnmişdir
Bakı, 7 may (AZƏRTAC). Ekologiya və Təbii Sərvətlər Nazirliyinin 11 nömrəli ərazi ekologiya və təbii sərvətlər şöbəsinin əməkdaşları tərəfindən Muğanlı-İsmayıllı yolunun 11-12-ci kilometrliyində ağacların kəsilməsi faktı aşkar olunmuşdur.
Nazirliyin mətbuat xidmətindən AZƏRTAC-a bildirmişlər ki, əraziyə baxış zamanı ümumilikdə müxtəlif cinslərdən olan 110 ədəd ağacın kəsildiyi müəyyən edilmişdir.
Araşdırma zamanı ağacların kəsildiyi ərazinin Ağsu rayonunun Nüydü kənd bələdiyyəsinə məxsus olduğu aşkar edilmişdir.
Faktla bağlı akt tərtib olunmuş, bələdiyyə sədri Fəxrəddin Osmanov hüquqi şəxs qismində 40 min manat məbləğində cərimə edilmişdir.
Bölmənin digər xəbərləri
