AĞDAMDA “TƏHLÜKƏSİZ İDMAN MEYDANÇASI” İSTİFADƏYƏ VERİLİB
AZƏRTAC-ın müxbiri xəbər verir ki, Azərbaycan Respublikası Qızıl Aypara Cəmiyyəti Norveç Qırmızı Xaç Cəmiyyətinin maliyyə yardımı və Beynəlxalq Qırmızı Xaç Komitəsinin dəstəyi ilə Ağdam rayonunda “Təhlükəsiz oyun meydançası” layihəsini həyata keçirmişdir.
Meydançanın açılış mərasimində beynəlxalq və respublika təşkilatlarının nümayəndələri iştirak etmişlər.
“Təhlükəsiz oyun meydançası” minalardan və partlayıcı mərmi qalıqlarından zərər çəkmiş Ağcabədi, Tərtər, Füzuli, Goranboy, Xanlar, Tovuz, Qazax və digər rayonlarda da inşa olunacaqdır.
