AĞDAMDA TORPAQ MÜLKİYYƏTÇİLƏRİ YAZ TARLA İŞLƏRİNƏ BAŞLAMIŞLAR
Ağdam, 20 aprel (AZƏRTAC). Ağdam rayonunda yaz tarla işləri geniş vüsət almışdır.
Rayon statistika idarəsindən bildirmişlər ki, torpaq mülkiyyətçiləri qısa müddətdə 3 min 250 hektarda yazlıq səpin aparmışlar. Bundan 905 hektarı yonca, 1644 hektarı tərəvəz, 131 hektarı şəkər çuğunduru, 570 hektarı kartof və sair yazlıq əkinlərdir.
Bu günlər payızlıq taxıl əkinlərinin becərilməsi də müvəffəqiyyətlə həyata keçirilir. Ötən ilin payızında cari ilin məhsulu üçün 15 min 368,5 hektar sahəyə taxıl səpilmişdir. Bundan 13 min 231,5 hektarı buğda, 2 min 137 hektarı arpadır. İndi sahələrə gübrə verilir, alaq otlarına qarşı herbisid çilənir, əkinlərin ikinci suvarılması davam etdirilir.
Bölmənin digər xəbərləri
