Ağır atletika üzrə Azərbaycan birinciliyinin ilk qalibi müəyyənləşib
Bakı, 28 aprel, AZƏRTAC
Xırdalan şəhərindəki AAAF Park Yaşayış Kompleksinin yarış zalında yaşı 20 və 23-dək olan gənclər arasında ağır atletika üzrə Azərbaycan birinciliyinə start verilib. Yarışda ölkənin bütün regionlarından klub və cəmiyyətləri təmsil edən yüzdən çox atlet iştirak edir.
AZƏRTAC xəbər verir ki, kişilərin mübarizəsində körpücük üzərinə ilk olaraq çəkisi 56 kiloqram olan gənclər çıxıblar. Qızıl medala toplam 208 kiloqram (96+112) nəticə ilə Emin Mirzəyev sahib çıxıb. Fəxri kürsünün ikinci pilləsində 204 kiloqram (90+114) nəticə ilə Ruslan Rzazadə, üçüncü yerdə isə 198 kiloqram (93+105) nəticə ilə Rüstəm Qasımov qərarlaşıb.
Çempionatın təşkilində məqsəd idmançıların ustalıq səviyyəsinin artırılması və təkmilləşdirilməsi, texniki cəhətdən hazırlıqlı və dərəcə normalarını yerinə yetirən idmançıların seçilməsi, kişilərdən və qadınlardan ibarət milli yığma komandaların tərkibinin müəyyənləşdirilməsi, qarşıdakı beynəlxalq yarışlara hazırlanmasıdır.
Bölmənin digər xəbərləri
