CƏMİYYƏT
Ağstafa rayonunda itkin düşən azyaşlı tapılıb VİDEO
![](/files/galleryphoto/2023/3/1200x630/1696660106642425236_1200x630.jpg)
![](/files/galleryphoto/2023/3/1200x630/16966601064175953826_1200x630.jpg)
![](/files/galleryphoto/2023/3/1200x630/16966601063848325370_1200x630.jpg)
Bakı, 7 oktyabr, AZƏRTAC
Ağstafa rayonunda itkin düşən azyaşlı tapılıb.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, oktyabrın 6-sı axşam saatlarında Fövqəladə Hallar Nazirliyinin (FHN) “112” qaynar xəttinə Ağstafa rayonunun Göycəli kəndi yaxınlığında dağlıq-meşəlik ərazidə 2020-ci il təvəllüdlü uşağın itkin düşməsi barədə məlumat daxil olub. Məlumatla əlaqədar dərhal FHN-in Xüsusi Riskli Xilasetmə Xidməti və Gəncə Regional Mərkəzinin xilasetmə qüvvələri tərəfindən xüsusi təlim keçmiş it cəlb olunmaqla axtarış-xilasetmə işlərinə başlanılıb. Fasiləsiz olaraq həyata keçirilmiş axtarış tədbirləri nəticəsində xilasedicilər tərəfindən azyaşlı səhər saatlarında tapılaraq aidiyyəti üzrə təhvil verilib.